МИНИЙ ГЭРЭЛТ ЕРТӨНЦ

... Энэ орчлонд гэрэл нэмэхгүй юм

бол ядаж бүү халхал...

  ...Хүн хүндээ тусалж байхдаа бурханд илүү ойрхон очдог гэж үү. Тийм ээ, хүний сайхан сэтгэл гэдэг бол хүний биеэнд хорогдсон бурхан...

Бурхан гэснээс нээрээ гэгээрэлд хүрсэн хүнийг бурхан гэлцдэг билүү ?.

Цас ороосой.... хэмээн тэсэн ядан хүлээдэг балчирхан насаа, лааны гэрэлд хичээлээ хийдэг жижигхээн өрөөний бүдэг гэрэлтэй цонхоор харахиймсан. Тэгвэл цав цагаан цас ороосой чаргаа чирээд хажуу айлын эмээд ундны ус дөхүүлж, цав цагаан мөсөн чихрээр шагнуулахсан гэсэн бодол тээсэн жаахан БИ үзгээ хэмлэн суугаа даа.

Сайхан сэтгэл өвөртлүүлэн,бурханд ойртуулсан, бусдад туслахыг дөтөлж, гэрэл татуулсан тэр цас.

...Цас чи ямар ч нүгэлгүй амьтны сүнс байх аа. Тэгээд л тийм хиргүй тунгалаг цагаахан байдаг Тиймүү? Гэтэл одоо би тог тасарсан харанхуй өрөөнийхөө утаатай цонхоор уйтгартай хүмүүсийг ажиж сууна. Хажуу хашааны эмээ шигээ жаахан хүүхдэд чихэр түгээж цас шиг гэрэлтхиймсандаа...

Өөрийнхөө тухай бодлоо...

Өдгөө нийтийн унаанд таарсан буурал толгойтой хөгшинд суудал тавиад өгчихгүй тийм л залуу болжээ би.

Бусадтай л адилхан.

Энэ бол надад нийгмээс өгсөн бэлэг. Өнөөгийн манай нийгмээс олдсон нийгмийн орчин Хүссэн хүсээгүй тийм л болно маргах аргагүй . Гараад л алхана гуйлга гуйсан, алгаа тоссон хүүхдүүд, архи уусан, шүлсээ гоожуулсан ах эгч нар тоолоод байвал цасан ширхэг шиг олон тулгамдсан асуудал.

Би сайхан сэтгэл гаргаж, бурханд дөхөх гэсэндээ алгаа тоссонд нь 10 төгрөг хайрлаж, архины мөнгөнд “гуя” ханцуйвчилж болно л доо. Гэтэл ахиад маргааш тийм л байна. Миний ижил монголын бүх залуус энэ мэт аашилсан ч өнөөх л байдал үргэлжилнэ.

Ийнхүү жингүйдэж суухдаа крантаас ус гоожиж шалан дээгүүр мэлтийтэл ус урссаныг анзаарсангүй. Тэвдэхдээ бушуухан алчуур аваад усаа баахан арчив. Яг л 10 төгрөг, архины мөнгө өгч байгаа шиг арга хэмжээ болохыг гэнэт ухаарч, ус алдаж байсан крантаа хаалаа.

Тэр крантнаас л би өөрийнхөө сэтгэлгээг гоожуулж авлаа . Өөрөөр хэлбэл бид тэрхүү нийгмийн хогийн ургамлыг тасдаж хаяхаасаа илүү ургуулаад байгаа орчинтой нь тэмцэх нь чухал байна.

Үр дагавартай нь биш шалтгаантай тэмцэе гэсэн санаалдаа. .........Тог бас л ирээгүй байна. Яг одоо би бүдэгхэн лааны гэрэлтэй жижигхэн өрөөндөө бодон, бичин, санаашран сууна.

Үзгээ мэрээ л...

          Хэн нэгэн одоохон миний гэрэлт цонх руу ширтээсээ. Тэгвэл цацран байгаа тэр гэрэл миний биенээс гарч байгааг мэдрэх болно. Би өөрийгөө гэгээрсэн гэж хэлэх гээгүй. Чихэр өгдөг эмээгийнхээ энэрэнгүй тусч сэтгэл, мөлийтөл элэгдсэн эрхи, хиргүй тунгалаг гэнэн балчир насандаа ойртох гэсэн юм.

Эцэст нь: би жирийн л залуу.

Би уяхан замба тивийн дэлгэсэн тэрлэг шиг хуудасны ирээдүй нь болсон олон олон гэрэл гэгээний нэг.

Би бол эх дэлхийн хөрсөн дээр эзэн нь болон дэвжсэн хүн сармагчин овогтой хүннү, сяньби удамтай, хүн төрөлхтний сая сая лааны нэг.

Би бол эмгэн буурал хорвоогийн элгэн тушаа оршигч, хөгжил дэвшлийн замналтай, хүмүүнлэг ард түмний хөх монгол улсыг хөвсийтөл нь дарах цав цагаахан цасан ширхэгийн нэг.

                   Цас ороосой. Эмээдээ цайны мөс дөхүүлж өгөхсөн.

                          Гэрэл бүү харанхуйл” Дейгон.

Урд, хойт хийгээд төвийн бүсээр агаар тогтуун

Урсгал салхины хурд хацар илбэм энхрий гэж

Ус цаг уурын хүрээлэнгээс ярьж байна

Уйтай өдөр болохнээ уулзаж чадахгүйнэ маргааш

    Ой хээрийн түймэр гараагүй янзага өнчрөөгүй

    Ойрын үед газар хөдлөхгүй онгоц сүйрэхгүй гэж

    Онцгой байдалын албанаас мэдээлж байна

    Онцгүй өдөр болохнээ  очиж чадахгүй нь маргааш

Моддыг салхи бүүвэйлж янзага сүүдэрт нь тоглоод

Монголын тэнгэрт онгоц нисэж агаар зүсээд

Борхон хоногуудын нэгийг бурхан ивээсийн байлгүй

Болзоо таслаад надад томилолт илгээсийн байлгүй...

О

Оч мэт одод саран авхайд эрхэлж

Орчлон дэлхийд шөнө ирсэнийг гэрчилнэ

Орог гудамжинд шивнэлдэх чимээ гарч

Оргилуун залуус болзоонд зогссоныг батална

            Халуун тэвэр янаг үнсэлтэнд саран ичиж улайна

            Хайрын үгс дэвэргэн мөрөөдөлд одод жарган гялалзана

            Хамар хашааны нохой хуцхаа мартан анирлана

            Ханхүү гүнжийн домог энэ л газраас эхэлнэ

Амтны дээд балыг навчин уруулаас амсана

Алиман сар гэгээгээрээ тэднийг адислан таална

Алс ирээдүйн дурсамжаа  үлгэр адил хүүрнэнэ

Айлын хашааны үүдэнд хосын жаргал үргэлжилнэ

          Тэнгэр бүдийж од сарыг тэднээс салгана

          Тэгснээ цасан бударч саарал гудамжийг чимнэ

          Цасан дунд дурлалын үгс уусан алдарна

          Цал буурал өглөө хос мөр хязгааргүй үргэлжилнэ.

Дурсахуй хөх салхи эргэлдэнэ бодолын нүд

Дурлахуй янаг утаа суунаглана хайрын нүд

Дусалхуй гунигийн бороо шивэрнэ нулимстай нүд

Дуудахуй сэрэлд автан живнэ энхрий нүд

        Тольдон зогсхуй миний нүд бусдын нүд

        Тоос торохуй хоёр нүд газрын нүд

        Салхинд өртмүй миний нүд тэнгэрийн нүд

        Сархад хүртмүй билгийн нүд бурханы мэлмий

                                                                  2005-10-6 нд

Яагаад ч юм бэ бороо оролгүй салхи үүлийг хөөчихлөө

Янз бүрийн бодолд толгой эргэж тамхи нэрлээ

Янжуурийн утаа элдэв бодолыг үүл адил сарниахад

Яг л чиний төрх сэтгэлд угаагдан тодхон үлдлээ

2006-04-20

2006-7-15 Бямба гариг

Бямбад орсон бороо л лав...

Усан бороо уул талыг ундаалахын зэрэгцээ уйтгараар сэтгэлийг минь дайлна. Цонх даган доошлох дусалууд үзэсгэлэнт бүсгүйн хацар исгэх нулимс адил гуниглуун. Зосын голын цэн тогорууд ганганалдах нь сэтгэлд бас л нэгийн хүүрнэнэ. Бороо зүсрэхнээ.

Дунд Тэрмэсийн хөх уулсын оргилд цэнхэр манан хаанчилж хоттой хонь хэвтэртээ налайх нь хөдөө талын үдэш. Тэнгэр борооны бараан үүлсээр нүүрээ халхалж түнэр шөнийг урих нь ахиад өглөө болохгүй мэт. Нүд баясгах байгаль нөмгөн харанхуйд дальдархад Нүцгэн хөх бодолд ботгон нүдэн хөрвөөх юмдаа...

Яг одоо би чамайг л бодож байна. ГОМДОХГҮЙ ЭЭ!!! гээд эр хүн шиг амалсандаа л баярлах. Бороо шивэрсэн оройн тэр нэгэн тунирхал түүнээс хойшхи шаналанг жаргалтай мөрөөдөл үл ялиг горьдолтой 60 хоног минь чимдэг юм шүү. Сайхан байсаан чиний тухай бодол, зүүд, мөрөөдөл. ТЭРГЭЛ ХАРАНХУЙ орчлонгоос огшвол би цааш нь бичмээр л байна... Юу ч үзэгдэхгүй байна. БИ бичмээр л байна.

ХАРАНХУЙ...

Жингийн цуваа, зэллэх тогорууд намрын хөрөгтэй

Жирэмний сүлжээс, дөрөөн чимээ нутгийн хөгтэй

Жихүүн орой андаа санаад шүлгийн мөртэй

Жил сар элээх хорвоод би амиараа өртэй

                        2007-10-18    

Аймаар наасан

www.olloo.mn- д  хувийн хэвшилийн зарим нэг байгууллагын цалинг тавьсан байхаар "бороо голд"ын цалинг хартал  3602-н ажилчилдын цалинг эржүүтэл нь  жагсаагаад хаячихжээ хөөрхий.

Тэгэхээр нь сайхан бүлэглээд харсан чинь 500000-2000000 төгрөгний цалинтай хүн  нийт ажилчидын 94,5%-ийг эзлэх бөгөөд энэ нь 3602 ажилтаны 3410 нь болоод байхын.  Тэр тусмаа 1-2 сая төгрөг авдаг хүний тоо нь бүр 2341 буюу 65%-ийг эзлээд байгаа юмдаа атаархаж үхмээр л юм байна.

Хэрэв энэ байгууллага бусад компани шиг нийгмийн даатгалаас зугтааж хагас цалингаа урамшуулал гэж өгдөг байх юм бол бүр халаглаад ч нэмэр алгаа. Алгаа ташаал,  гадаадад гарвал их мөнгө олдог  гэсэн бодолоо тэртээ хойно шидээд, мөнгөнд дургүй хэн ч байгүй гээл  "бороо гоулд" руу гүйгээд марш хэхэ.

Цалинг нь бүлэглэв

Бусад компаныг харах санаатай хальт шагайсан чинь  ийм мэдээлэл тавьсан байлаа

Компаниудын цалингийн жагсаалт интернэтээр тарсан байсныг бид эх сурвалжийг нь дурьдаад гаргасан билээ. Уг мэдээллийн дагуу зохих тєрийн байгууллагаас мэдээллийг арилгах хvсэлт бvхий албан бичиг манай компани хvлээн авч цалингийн тухай мэдээлэл агуулсан 5 мэдээллийг баазаас арилгалаа.

Мэдээллийн эх сурвалж: оллоо    2008-10-10 14:33:16

Uilmaar bainaa and nzuudaa!!!! bodohoos bur dahin bodohoos saihan baina bolj butehgvi hernee bolgood saihan baisan oyutan nasaa sanaad baina salhi siigsen 264 tootoo sanaad baina anduudaaa!!! bi ta nariigaa uguileed baina noir hurehgvi hurwuuhduu hurtel Gombo bagshiinhaa lektsiig sanaad baina toirch suugaad hudalaa yridag nomiin sangaa aash muutai z.btei ni sanaad baina.. sanaad bainaa Saruuliin teneg ineed Ongariin danhar tolgoi dawha ahiin hamariig dursmaar baina … Sanah sanahdaa bur uilmaar baina.. ta nariigaa denduu ih sanaj baina yg l Oyunhand bagshiin lektsen deer baigaa ym shig hamtdaa baihsan A zaaland orj untahsan uls turiin ali eswel setguuliin ohiniig shirtehsen Az taarch hen negeneer hoolond daalguulahsan Gozon BOOYO, Baasan AMARAAGAAS ihleed jambaaa uwgunii jijighen shar chawgats, tsetsegeegiin togoo shig gedesen deh MAMA-g hurtel sanaj baina jurnaliin nersiig ehnees ni duustal sanaad baina jurmiin olon anduudaa uguileed baina….. BOTGON NUDEN BOKOGOO DENDUU IH UGUIL J BAINA… nzuudaa bi uilmaar baina garch tamhilhaas… ta nartai bi denduu ih hairtai shuu UNUUDUR 09-01 angidaa neg uulzanaa...

martsanaas manai angiin suwdaaa haana yu hiigeed ywnaa

Өөрөө чи яг ....

            Эрээн алчуур даллах салхины шивнээ

            Эрдүү бодол зөөллөх борооны шиврээ

            Уруул хүрээл согтох сархадын сэржим

            Уйтай намар ганхах моддын сэрчигнээ

Өөрт минь чи яг л....

            Булиглах сэтгэлийн  минь шилтгээн

            Бундан зүрхний минь шигтгээ

            Уугаагүй архины минь охь

            Унаган нутгийн охин